امریکی کوکوگف نے یو ایس اوپن ویمنز سنگلز ٹائٹل جیت لیا

 لاہور(سپورٹس رپورٹر ) امریکا کی 19 سالہ ٹینس سٹار کوکوگف نے بیلا روس کی ایرینا سبالینکا کو شکست دیکر یو ایس اوپن ویمنز سنگلز کا ٹائٹل جیت لیا۔امریکہ کی نوجوان کوکوگف نے یو ایس اوپن خواتین کے فائنل میں بیلاروس کی سیکنڈ سیڈ آرینا سبالینکا کو 6-2 ،3-6 اور 2-6 سے شکست دے کر اپنا پہلا گرینڈ سلیم ٹائٹل اپنے نام کیا۔ پہلا سیٹ ہارنے کے بعد کوکوگف نے شاندار کم بیک کیا، سبالینکا کا آغاز شاندار تھا لیکن وہ اس رفتار کو برقرار نہیں رکھ سکی ۔ فلوریڈا سے تعلق رکھنے والی گاف 1999 میں سرینا ولیمز کے بعد ملک کا بڑا ٹینس ٹورنامنٹ جیتنے والی پہلی امریکی خاتون ہیں۔ امریکی کھلاڑی نے کہا کہ میں اس وقت تھوڑا سا صدمہ میں ہوں ، فرنچ اوپن ہارنا میرے لیے ایک دل دہلا دینے والا وقت تھا، اور اب یہ لمحات میرے تصور سے بھی زیادہ حسین ہیں ۔