کراچی (نوائے وقت رپورٹ) کراچی شہر میں غیرقانونی مقیم افغانیوں کے خلاف کریک ڈا¶ن میں 24 گھنٹوں کے دوران 121 افغان باشندوں کو گرفتار کر لیا گیا ہے۔ پولیس کے مطابق کورنگی کے مختلف علاقوں سے 45 افغان باشندے گرفتار کر لئے۔ ایسٹ پولیس نے 18 افغان باشندوں کو گرفتار کر کے مقدمات درج کئے ہیں۔ ویسٹ کے مختلف علاقوں سے 34 افغان باشندے فارن ایکٹ کے تحت گرفتار کر لئے گئے۔ سٹی پولیس نے 9 افغان باشندے گرفتار کر لئے۔ ضلع ملیر میں چھاپوں کے دوران 14 افغان باشندے گرفتار کئے گئے ہیں۔ افغان باشندوں میں مشکوک افراد کا کریمنل ریکارڈ بھی حاصل کیا جا رہا ہے۔