ساؤتھ ایشین جونیئر اتھلیٹکس چیمپئن شپ آج سے بھارت میں شروع

لاہور(سپورٹس رپورٹر)ساؤتھ ایشین جونیئر اتھلیٹکس چیمپئن شپ میں شرکت کیلئے پاکستان ٹیم بھارت پہنچ گئی جہاں وہ آج سے ان ایکشن ہوگی۔ چیمپئن شپ 11 سے 13 ستمبر تک چنئی میں ہو گی۔پاکستان کے دستے میں 12 اتھلیٹس، 3 کوچز اور ایک منیجر شامل ہے۔قومی اتھلیٹس مختلف ایونٹس میں حصہ لیں گے۔ قومی ٹیم کے منیجر انجینئر سیف آفریدی نے بتایا کہ چیمپئن شپ میں 7 ممالک کی مرد اور خواتین کی ٹیمیں حصہ لے رہی ہیں جن میں پاکستان سمیت میزبان بھارت، مالدیپ، نیپال، بھوٹان، بنگلہ دیش اور سری لنکا کی ٹیمیں شامل ہیں۔