لاہور(سپورٹس رپورٹر)ورلڈ یوتھ سکریبل چیمپئن شپ کا ٹائٹل جیتنے کے بعد پاکستان ٹیم سری لنکا سے وطن واپس پہنچ گئی‘ ورلڈ چیمپئن عفان سلمان سمیت پوری ٹیم کا جناح ٹرمینل کراچی پر ٹیم کا شاندار استقبال کیا گیا۔ائیرپورٹ پر پاکستان زندہ باد کے نعرے لگائے گئے۔ کھلاڑیوں کے اہل خانہ اور مداحوں نے کھلاڑیوں کو پھولوں کے ہار پہنائے۔پاکستان نے ریکارڈ پانچویں بار ورلڈ یوتھ سکریبل چیمپئن شپ جیتی ہے۔16 سالہ عفان سلمان ورلڈ یوتھ سکریبل چیمپئن بنے۔ پاکستان ریکارڈ 5 مرتبہ ورلڈ یوتھ چیمپئن شپ جیتنے والا پہلا ملک ہے۔چیمپئن شپ کی ٹیم ٹرافی بھی پاکستان نے جیتی۔