نوئیڈا (آئی این پی ) افغانستان کا نیوزی لینڈ کیخلاف تاریخی ٹیسٹ میں فتح خواب ادھورا رہنے کا امکان ہے۔ نوئیڈا میں نیوزی لینڈ کیخلاف واحد تاریخی ٹیسٹ میچ کی میزبانی کرنیوالے افغان بورڈ کے اہلکار نے بھارتی بورڈ کی جانب سے غیرمناسب وینیو دینے پر تنقید کے نشتر چلادیے۔ افغان بورڈ اہلکار کا کہنا ہے کہ ٹیسٹ میچ کا پہلا اوردوسراروز گیلی آئوٹ فیلڈ کی وجہ سے منسوخ کردیا گیا  ۔ بورڈ اہلکار نے کہا کہ وہ اس سٹیڈیم میں کبھی واپس نہیں آئیں گے‘ شدید مشکلات ہیں۔ یقین دہانی کے باوجود کوئی مناسب حل نہیں نکالا گیا۔ میچ آئی سی سی ٹیسٹ چیمپئن شپ کا حصہ ہے اور بدانتظامی کو دیکھتے ہوئے دوبارہ اس مقام پر نہ کھیلنے کا فیصلہ کیا ہے۔