پاک فوج کے شہدا ء کو خراج عقیدت پیدل چلنے والا نوجوان گوجرانوالہ پہنچ گیا

گوجرانوالہ+کامونکی(نمائندہ خصوصی )پاک آرمی کے شہداء کو خراج عقیدت پیش کرنے کیلئے دیپالپور سے پیدل چلنے والا نوجوان گوجرانوالہ پہنچ گیا،حافظ ارشاد کا شہر کے مختلف جگہوں پر شاندار استقبال کیا گیا ، شہریوں نے پاک فوج زندہ آباد اور پاکستان زندہ آباد کے نعرے لگائے ،حافظ ارشاد دیپالپور سے 5روز میں 220کلو میٹر پیدل مارچ کر کے گوجرانوالہ پہنچا ہے ، نو جو ا ن حافظ ارشاد نے پاک فوج کے شہدا کی تصاویر کی فلیکس اٹھا رکھی تھی جو آج رات گوجرانوالہ میں قیام کے بعد راولپنڈی کے لیے روانہ ہو گا۔