سابق خاتون اول بیگم کلثوم نواز کی چھٹی برسی آج منائی جائے گی 

سندر (نامہ نگار، تنویر سیال) سابق خاتون اول بیگم کلثوم نواز کی چھٹی برسی آج منائی جائے گی۔  29 مارچ 1950 کو پیدا ہونے والی برصغیر پاک و ہند کی مشہور شخصیت گاما پہلوان کی نواسی سابق خاتون اول کلثوام نواز جن کی 21 برس کی عمر میں 2 اپریل 1971 کو میاں شریف کے بیٹے نواز شریف سے شادی ہوئی، بیگم کلثوم نواز پہلی مرتبہ 6 نومبر 1990 کو خاتون اول بنیں، ان کو 3 مرتبہ خاتون اول بننے کا بھی اعزاز حاصل ہے۔ گلے کے کینسر کے باعث 11 ستمبر 2018ء  کو لندن کے ایک نجی ہسپتال میں انتقال کرگئیں۔ سابق خاتون اول کی برسی کے موقع پر پارٹی کی جانب سے تمام صوبائی حلقہ جات میں مرحومہ کے ایصال ثواب کے لئے قرآن خوانی کے انتظامات بھی کئے گئے ہیں جبکہ شریف فیملی کی جانب سے بیگم کلثوم نواز کی قبر پر حاضری اور قرآن خوانی کی جائے گی جس میں خاندان کے افراد شرکت کریں گے۔