ساہیوال (نمائندہ نوائے وقت) سی ٹی ڈی پولیس نے کارروائی کرتے ہوئے کالعدم تنظیم کا دہشتگرد گرفتار کر لیا۔ سی ٹی ڈی پولیس کو اطلاع ملی کہ دیہڑاں والی پل لوئر باری دوآب  اوکاڑہ کے قریب کالعدم تنظیم کا دہشتگرد عوام میں نفرت انگیز مواد پر مشتمل کتابچے وغیرہ تقسیم کر  رہا ہے۔ پولیس نے چھاپہ مار کر ملزم کوگرفتار کر  کے  9کتابچے،  ,2230روپے، موبائل فون وغیرہ برآمد کر لیا۔ ملزم کی شناخت محمد عثمان صدیقی چیچہ وطنی  سے ہوئی ہے۔