لاہور؍ سمندری (سٹاف رپورٹر+ نامہ نگار) ڈیفنس بی کے علاقے میں پولیس مقابلے میں مبینہ ڈاکو زخمی حالت میں گرفتار کر لیا گیا جبکہ ساتھی فرار ہو گیا۔ تفصیلات کے مطابق 15 موصول ہوئی کہ ڈاکوؤں نے واردات کی کوشش دوران پٹرولنگ سروس روڈ، رنگ روڈ پر اشارہ کیا، پولیس کو دیکھتے ہی ڈاکوئوں نے  فائرنگ شروع کر دی۔ ڈاکو کو فائرنگ سے زخمی حالت میں گرفتار کر لیا، جسکی قیصر عاصم کے نام سے شناخت ہوئی۔ گرفتار ڈاکو ڈکیتی، چوری، جھپٹا کے 51 مقدمات میں ریکارڈ یافتہ نکلا۔ دریں اثناء سمندری پولیس نے دوران ناکہ دو موٹر سائیکلوں پر سوار پانچ افراد کو روکنے کی کوشش کی تو موٹر سائیکل سواروں نے فائرنگ کر دی۔ پولیس نے بھی فائرنگ کی۔ اس دوران ڈاکوؤں کی اپنی فائرنگ سے ہی ان کا ایک ساتھی زخمی ہو گیا جس کی شناخت بابا اشفاق کے نام سے ہوئی، جسے ہسپتال منتقل کیا گیا لیکن وہ دم توڑ گیا۔