چار ڈاکوؤں نے سکول ٹیچراور اس کے ساتھی سے نقدی ،قیمتی اشیا چھین لیں 

کلر سیداں (نامہ نگار) کلر سیداں کے نواحی قصبہ چوکپنڈوری میں دو موٹر سائیکلوں پر سوار چار ڈاکوؤں نے اسلحہ کی نوک پر سکول ٹیچر اور اس کے ساتھی سے ہزاروں روپے کی نقدی اور دیگر اشیاء￿  لوٹ لیں اور فرار ہو گئے۔خرم شہزاد سکنہ ڈیرہ خالصہ نے تھانہ کلر سیداں میں دی گئی تحریری درخواست میں بتایا کہ وہ اپنے ساتھی مبشر شہزاد کے ہمراہ کلر سیداں سے چوکپنڈوری جا رہا تھا جب ہم منگال موڑ کے قریب پہنچے تو دو موٹر سائیکلوں پر سوار چار مسلح ڈاکوؤں نے روک لیا اور اسلحہ کی نوک پر میرا موبائل فون اور بٹوہ جس میں 2500روپے موجود تھے چھین لیاجبکہ مبشر شہزاد سے اس کا موبائل فون،محکمہ تعلیم کا سروس کارڈ،دو ہزار روپے کی کیش،موٹر سائیکل کی رجسٹریشن بک،شناختی کارڈ،ڈرائیونگ لائسنس،نجی بنک کا اے ٹی ایم کارڈ اور دیگر ضروری کاغذات چھین لئے۔