کلر سیداں (نامہ نگار) کلرسیداں کے نواحی علاقہ میں نامعلوم ملزمان رات کی تاریکی میں دو گھروں میں داخل ہو کر قیمتی موبائل فونز اور نقدی لے اڑ ے،عیادت کے لیئے جانے والی شادی شدہ خاتون بھی لاپتہ ہو گئی۔محمد قاسم سکنہ ڈیرہ خالصہ نے مقدمہ درج کروایا کہ میں گزشتہ شب اپنی فیملی کے ہمراہ گھر میں سویا ہوا تھا کہ اسی دوران نامعلوم ملزمان اس کے گھر میں داخل ہو گئے۔صبح اٹھ کر دیکھا تو میری قمیض جو میں نے اتار کر سائیڈ پر رکھی ہوئی تھی کی جیب سے پانچ ہزار روپے کی رقم،میری ہمشیرہ کو مو با ئل فون اور پرس سے چار ہزار روپے کی رقم،چیک بک، اے ٹی ایم کارڈ،خاوند کا شناختی کارڈ اور بچوں کے ب فارم نکال لیاجبکہ میری کزن کے گھر سے بھی ایک عدد موبائل فون چوری کر لیا گیا۔دریں اثناء￿  مسما? فضامراد نے 15پر کال کر کے اطلاع دی کہ اس کی ایک عدد بکری چوری کر لی گئی ہے۔ادہر مبارک حسین نے مقدمہ درج کروایا کہ اس کی بہو جو تین بچوں کی ماں بھی ہے اپنی ہمشیرہ کی بیمار پرسی کیلئے گئی جو ابھی تک واپس نہ آئی،اس نے خدشہ ظاہر کیا ہے کہ اس کی بہو کو مبینہ طور پر کسی نے اغواء  کر لیا ہے۔ادھر تھانہ کلر سیداں پولیس نے دوران گشت ملزم شہباز علی سے پسٹل 30بور بمعہ تین روند برآمد کر کے مقدمہ درج کر لیا ہے۔