اسلام آباد(اپنے سٹاف رپورٹر سے)ایس پی سواں زون پری گل ترین نے سواں زون کے ڈولفن سکواڈ افسران سے میٹنگ کی،انہوں نے پولیس افسران کو اپنی پٹرولنگ کو موثر بناتے ہوئے شہریوں کے تحفظ کو یقینی کی ہدایت کی،ایس پی سواں زون نے کہا کہ تمام پولیس افسران جرائم پیشہ عناصر اور راہزنی کی وارداتوں میں ملوث ملزمان کے خلاف بھرپور کاروائیاں کریں،کسی بھی ایمرجنسی کال پر فوری ریسپانس کرتے ہوئے شہریوں کی دادرسی کریں اور لوگوں کو تحفظ کا احساس دلائیں،دوران تلاشی کسی شہری کے ساتھ نامناسب رویہ ہرگز نہ اپنائیں،انہوں نے مزید کہا کہ تمام پولیس افسران اپنی ڈیوٹی کے دوران حفاظی کٹ کا استعمال کریں اور اپنی حفاظت کو یقینی بنائیں،مشکوک اشخاص اور مشتبہ موٹر سائیکلوں اور گاڑیوں کی تلاشی لیں اور کوائف کا اندراج کریں،ایس پی سواں نے کہا کہ ڈولفن سکواڈ کے افسران کے مسائل کو ترجیحی بنیادوں پر حل کیا جائے گا۔