اسلام آباد ( نمائندہ خصوصی) آل پاکستان انجمن تاجران اور ٹریڈرز ایکشن کمیٹی اسلام آباد کے صدر اجمل بلوچ،کراچی کمپنی کے صدر راجہ جاوید اقبال،جی الیون کے صدر نعیم اعوان ، ستارہ مارکیٹ کے صدر الطاف شاہ ، سپر مارکیٹ کے صدر شہزاد شبیر عباسی جناح سپر کے صدر اسد عزیز - بھارہ کہو کے مرکزی صدر راجہ زاہد دھنیال ،آئی نائن کے صدر صفدر عباسی،جنرل سیکرٹری ولید خالد اور آب پارہ مارکیٹ کے جنرل سیکرٹری اختر عباسی نے کہا ہے کہ اسلام آباد چیمبر آف کامرس اینڈ انڈسٹری کے الیکشن  19 ستمبر کو منعقد ہوں گے جس میں فاونڈر گروپ کے امیدوار بھاری اکثریت سے کامیاب ہوں گے تاجر برادری کے لئے فاونڈر گروپ کی خدمات ناقابل فراموس ہیں آئی سی سی آئی کے صدر احسن بختاوری نے تاجروں کے مسائل حل کرانے اور جوڑنے کا کردار ادا کیا ۔ انہوں نے مختلف مارکیٹوں کے لئے اور تاجروں کو پینے کا صاف پانی مہیا کرنے کے لئے ترقیاتی کام کرائے ،آٹھ فلٹریشن پلانٹ لگوائے جبکہ بلیو ایریا میں واٹر کولر لگوائے ،چھوٹے تاجروں کی عزت وقار میں اضافہ ہوا ۔ آئندہ بھی ایسے ذمہ دار افراد کو کامیاب کرائیں، پہلی مرتبہ فاونڈر گروپ نے مختلف مارکیٹوں کے عہدیداران کی سفارش پر ایگزیکٹو کو ٹکٹ دیئے گئے ۔