سکول کے دفتر کے تالے توڑ کر ساڑھے سات لاکھ روپے چوری کرلئے گئے

راولپنڈی(اپنے سٹاف رپورٹر سے)مختلف وارداتوں میں شہری گاڑیوں، موٹر سائیکلوں ، نقدی سے محروم ہو گئے تھانہ صادق آباد کو محمد سعد بن شعیب نے بتایا کہ رحمن آباد میں میرے سکول کے دفتر کے تالے توڑ کر ساڑھے سات لاکھ روپے کی نقدی چوری کرلی گئی تھانہ پیرودھائی کو فراز سلطان اعوان نے بتایا کہ خیابان سر سید میں میرے دفتر کے تالے توڑ کر سات ہزار روپے، تین لیپ ٹاپ چوری کرلئے گئے تھانہ کینٹ کو حمزہ جمیل نے بتایا کہ بینک روڈ سے میری GLI کرولا کار چوری ہوگئی تھانہ بنی کو ذیشان مبشر نے بتایا کہ سید پور روڈ پر دو مسلح موٹر سائیکل مجھ سے ایک لاکھ 68 ہزار روپے اور موبائل فون چھین کر فرار ہوگئے تھانہ رتہ امرال کو عبدالرحیم نے بتایا کہ ڈھوک رتہ سے میرا موٹر سائیکل چوری ہوگیا تھانہ کینٹ کو رحمت علی نے بتایا کہ صدر سے میرا 125 موٹر سائیکل چوری ہوگیا تھانہ کینٹ کو اسد اللہ نے بتایا کہ صدر سے میرا کیری ڈبہ چوری ہوگیا تھانہ نیو ٹائون کو مجاہد ریاض نے بتایا کہ کٹاریاں سے میرا موٹر سائیکل چوری ہوگیا