کھیوڑہ ،تیز رفتار ڈمپر موٹر سائیکل پر چڑھ دوڑا ، ایک شخص کی ٹانگیں ٹو ٹ گئیں

پنڈدادنخان(نامہ نگار)روال چوک جوکہ پنڈدادنخان، جہلم اور منڈی بہاولدین کا روٹ ہونے اور غریب وال سیمنٹ فیکٹری نزدیک ہونے کی وجہ سے انتہا ئی مصروف روڈ ہے روال چوک پر سیمنٹ کی بوریوں سے لدا تیز رفتار ڈمپر جو کہ غریب وال سیمنٹ فیکٹری کی طرف سے آرہا تھا نے نذر حسین فقیر نامی موٹرسائیکل سوار کو کچل ڈالا موٹر سائیکل سوار شخص کو زخمی حالت میں تحصیل ہیڈ کواٹر منتقل کیا گیا جہاں پر طبی امداد دینے کے بعد راولپنڈی ریفر کر دیا گیا جبکہ ڈمپر ڈرائیور ڈمپر چھوڑ کر موقع سے فرار ہوگیا لوڈیڈ اور مسافر گاڑیوں کی آمدورفت کے باعث یہ روڈ اور خاص طور پر روال چوک پر پہلے بھی حادثات کے باعث متعدد افراد جان کی بازی ہار چکے ہیں۔