لاہور(خصوصی رپورٹر) شہبازشریف نے پشاور میں گورنر خیبر پی کے اقبال ظفر جھگڑا، پیر صابر شاہ اور دیگر عہدیداران سے ملاقات کی۔ محمد شہبازشریف امیر مقام کی رہائش گاہ پر گئے اور پارٹی رہنمائوں اور کارکنوں سے ملاقات کی۔ شہبازشریف ورکرز کنونشن میں خطاب کے لئے پہنچے تو یہاں محمد شہباز شریف کا زبردست استقبال کیا گیا۔ وزیر اعلی نے اپنی تقریر کے دوران پشتو زبان میں بھی گفتگو کی اور کارکنوں کا شکریہ ادا کیا۔ کارکنوں نے وزیر اعلی کی پشتو زبان میں گفتگو کو بہت سراہا۔ وزیراعلیٰ نے خطاب میں اشعار بھی پڑھے۔
تمنا آبرو کی ہے اگر گلزار ہستی میں
تو کانٹوں میں الجھ کر زندگی کرنے کی خو کر لے
نہیں یہ شان خود داری چمن سے توڑ کر تجھ کو
کوئی دستار میں رکھ لے کوئی زیب گلو کر لے