کراچی: کالعدم جنداللہ کا انتہائی مطلوب دہشتگرد گرفتار، خودکش جیکٹس، دستی بم برآمد

کراچی (آن لائن) کراچی میں سی ٹی ڈی نے کارروائی کرتے ہوئے ریڈ بک میں موجود کالعدم جند اللہ کے انتہائی مطلوب دہشت گرد کو گرفتار کر لیا۔ سی ٹی ڈی حکام کے مطابق گرفتار دہشت گرد محمد اسحاق عرف گل کے قبضے سے تیار خودکش جیکٹ اور 2 ہینڈ گرینیڈ برآمد ہوئے ہیں۔ سی ڈی ڈی حکام کا مزید کہنا تھا ملزم اسحاق افغانستان سے بلوچستان اور اندرون سندھ سے ہوتے ہوئے کراچی میں بڑی دہشت گرد کارروائی کیلئے آیا تھا۔ سی ٹی ڈی حکام نے بتایا گرفتار دہشت ناظم آباد پاپوش نگر کا رہائشی ہے جو 2006ء میں کالعدم جند اللہ میں شامل ہوا تھا۔ وہ افغانستان سے دہشت گرد کی تربیت بھی حاصل کر چکا ہے۔ ملزم ڈکیتی‘ اغوا برائے تاوان‘ پولیس مقابلے اور قتل کے مقدمات میں مطلوب تھا اور 2018ء سے افغانستان میں قید ہیں۔