اسلام امن محبت اورلوگوں کے درمیان ہم آہنگی کا درس دیتاہے:امام کعبہ

امام کعبہ شیخ ڈاکٹر عبداللہ عوادالجہینی  نے آج فیصل مسجد اسلام آباد میں نمازجمعہ پڑھائی۔ بڑی تعداد میں لوگوں نے امام کعبہ کی امامت میں  نماز جمعہ ادا کی۔اپنے خطبہ جمعہ میں شیخ ڈاکٹر عبداللہ عواد الجہینی نے کہا کہ اسلام امن محبت اور ہم آہنگی کا درس دیتا ہے انہوں نے کہا کہ اسلام بھائی چارے اور حقوق العباد پر بھی زور دیتا ہے۔ اس موقع پر پاکستان اور پوری امت مسلمہ کےامن اور خوشحالی کےلئے دعا مانگی گئی۔