قرآن مجید عوام تک پہنچانے کیلئے دکانیں کھولنے دی جائیں:انجمن ناشران

لاہور( نیوزرپورٹر )قرآن مجیدتمام پریشانیوں اور کرونا وائرس جیسی موذی بیماریوں کاعلاج ہے۔ضروری ہے کہ کروناوائرس اوردیگر جسمانی روحانی بیماریوں کے علاج کے لئے قرآن مجید سے تعلق مضبو ط کیا جائے، رمضان المبارک کی آمدسے پہلے قرآن مجیدکے طباعتی واشاعتی اداروں اورقرآن مجید عوام الناس تک پہنچانے والی دکانیں کھولنے کی اجازت دی جائے۔ہم یقین دلاتے ہیں کہ حکومت کی طرف سے جاری کردہ تمام احتیاطی اور حفاظتی تدابیر پر مکمل عمل کیا جائے گا۔اس بات کااظہار انجمن ناشران قرآن مجید کے صدر کاشف اقبال نے کیا۔