آر ڈبلیو ایم سی کی ناقص کارکردگی،گوجرخان غلاظت اور گندگی میں تبدیل

گوجرخان(نامہ نگار)حیاتسر روڈ سیٹھ غلام حسین گلی کے رہائشی اور گوجرخان کی کاروباری شخصیات حا جی افضل اجمیری حاجی موضم اجمیری سیٹھ اذکارحسین تاجر رہنما چوہدری خالد حیاتسرروڈ کے تاجر مرزا عبدا لرحمن زہیربٹ اشرف قریشی محمدعثمان صفدر قریشی محمد فرید سید اشفاق حسین شاہ نے اپنے ایک مشترکہ بیان میں کہا ہے کہ آر ڈبلیو ایم سی کی ناقص کارکردگی پورا شہر غلاظت اور گندگی میں تبدیل ، بلدیہ گوجرخان لمبی تان کر سو گئی میئر سٹی گوجرخان بننے کے لیے بہت بے تاب امیدواران صفا ئی کے معاملا ت پر خاموش تماشائی بنے بیٹھے ہیں ان کو عوام کا کوئی درد اور تکلیف دکھائی نہیں دیتی گوجرخان شہر کے عوام کو آر ڈبلیو ایم سی کے رحم وکرم پر چھوڑدیا گیا1ماہ سے گلی میں صفائی کے لیے آر ڈبلیو ایم سی کا عملہ نہیں آیا گوجرخان شہر کے عوام پریشان، تنخواہ وصول ہو رہی ہے لیکن عملہ فرائض کی ادائیگی کے لیے تیار نہیں پورا گوجرخا ن شہرگندگی اور غلاظت میں تبدیل ہوگیا ۔