اسلام آباد(نمائندہ نوائے وقت) سینیٹ کی قائمہ کمیٹیوں اور دیگر کمیٹیوں کی تشکیل نو کیلئے نامزد سنیٹرزکے نام سینیٹ سیکرٹریٹ کو موصول ہوگئے ہیں، ہر رکن پانچ کمیٹیوں کی رکنیت حاصل کرسکے گا، رکن سازی کیلئے درخواستوں کی جانچ پڑتال کا سلسلہ شروع ہوگیا ہے ،ہر کمیٹی 12سے 14ارکان پر مشتمل ہوگی۔ذرائع کے مطابق  چیئرمین سینیٹ کی طرف سے تمام  ارکان سینیٹ سے مجالس قائمہ اور دیگر کمیٹیوں کی رکنیت کے حصول کیلئے  تحریری طورپر اپنی ترجیح سے آگاہ کرنے کی ہدایت کی گئی تھی ۔ سینیٹ سیکرٹریٹ کو تمام ارکان کی طرف سے نامزدگیاں موصول ہوگئی ہیں۔