الان باتور(اے پی پی)منگولیا میں 2 فوجیوں کو اپنے کمانڈر کو ہلاک کرنے کے جرم میں گرفتار کر لیا گیا۔ چینی خبر رساں ادارے کے مطابق منگولیا کی پولیس ایجنسی کے حکام نے بتایا کہ گزشتہ ہفتے منگل کے روز منگولیا میں واقع صوبہ گوی التائی کے علاقے الٹائی سوم (انتظامی سب ڈویژن) میں ایک سرحدی چوکی پر اپنے کمانڈر کو گولیاں مار کر ہلاک کر دیا تھا، بعد میں دونوں فوجی 2 بندوقوں کے ساتھ 40 گولیاں لے کر جائے وقوعہ سے فرار ہو گئے تھے۔
ابوجہ(اے پی پی)نائیجریا کے جنگلات میں فوجی کارروائی کے دوران دسیوں مسلح افراد مارے گئے ہیں۔نائیجیریا کے صوبے قدونہ میں مسلح گروہوں کے خلاف آپریشن میں 24 عسکریت پسند ہلاک ہو گئے۔اطلاعات کے مطابق قدونہ صوبائی سلامتی و امور داخلہ کمشنر ساموئیل آرووان کا کہنا ہے کہ فو ج نے اس صوبے کے علاقے برنین گواری کے ایک جنگلی علاقے میں روپوش مسلح گروہوں کے خلاف کریک ڈان شروع کیا ہے۔