لاہور (سپورٹس ڈیسک)برطانوی باکسر کونر بین نے کولمبیا کے حریف سیموئل ورگاس کو 80سیکنڈز میں ناک آئوٹ کر کے ویلٹر ویٹ باکسنگ مقابلہ جیت لیا ۔ انہوں نے مقابلے کے پہلے ہی رائونڈ میں حریف باکسرپر مکوں کی برسات کر دی اور سنبھلنے کا موقع ہی نہ دیا ۔ دو ویٹ میں سابق عالمی چیمپئن کے بیٹے بین نے کہا کہ میں بین کے نام کو وہاں پہنچانا چا ہتا ہوں جہاں اس کا حق ہے ‘سب سے اوپر ‘حریف کو ناکوں چنے چبوا کر ثابت کر دیا ۔ کوئی مجھے ایک رائونڈ میں باہر نہیں کرسکا‘میرا ایک امتحان ‘مجھے عامر خان چاہئے ‘وہ  ریئلٹی شوز کی وجہ سے بہت مصروف ہے۔میں ان سے مقابلہ کیلئے تیار ہوں ‘مجھے ٹاپ باکسر ز چاہئے ‘میں خود کو ٹیسٹ کرنا چاہتا ہوں ۔ ٹاپ باکسر کیخلاف سخت فائٹ کی امید ہے ۔