سبزہ زار :لین دین  کاتنازعہ‘ چچا کو گولی مار کر قتل کردیا

لاہور(نمائندہ خصوصی)سبزہ زار کے علاقہ میں لین دین کے تنازعہ پر بھتیجے نے فائرنگ کرکے سگے چچا کو موت کے گھاٹ اتاردیااو ر فرار ہو گیا۔ تفصیلات کے مطابق سبزاہ زار کے علاقے میں امجد نامی شخص اور اس کے سگے بھتیجے عامرکے درمیان لین دین کا تنازعہ چلا آرہا تھا ۔گزشتہ روز اس بات کو لے کر دونوں کے درمیان تلخ کلامی ہو گئی اس دوران بھتیجے عامر نے طیش میں آکر فائرنگ کر دی جس کے نتیجے میں اس کا چچا امجد شدید زخمی ہو گیا جبکہ ملزم موقع سے فرار ہو گیا۔ زخمی کو تشویشناک حالت میں ہسپتال منتقل کیا گیا جہاں وہ زخموں کی تاب نہ لاتے ہوئے دم توڑ گیا۔ پولیس نے لاش پورسٹمارٹم کے لیے منتقل کر کے ملزم کی گرفتاری کیلئے چھاپے مارنے شروع کر دیئے ہیں ۔