پام سنڈے ہمیں بھائی چارے ‘پیار کا درس دیتا ہے:شہزاد لارنس

گوجرانوالہ (نمائندہ خصوصی )پوری دنیا کے مسیحیوں کے سنگ پاکستان بھر میں بھی کھجوروں کا اتوار مذہبی جوش و جذبے سے منایا گیا۔پام سنڈے کا مذہبی تہوار ہمیں بھائی چارے ‘پیارو محبت اور عجزوانکساری کا درس دیتا ہے ۔ اتوار کے روز منعقدہ عبادات میں مسیحی عورتوں ، بچوں اور مردوں کی کثیر تعداد نے ہاتھوں میں کجھوروں کی ڈالیاں تھامے یسوع بادشاہ کے نعرے بلند کرتے ہوئے اس تہوار کو منایا۔ پروفیسرشہزاد لارنس ممبر ضلعی امن کمیٹی گوجرانوالہ نے کہا کہ پام سنڈے کے تہوار سے مسیحی روزوں کے خاص ہفتے میں داخل ہوتے ہیں اس ہفتے میں مسیحی روزے رکھ کر خداوند کریم کی خصوصی قربت حاصل کرتے ہیں۔ روزے عاجزی، حلیمی اور انکساری کا درس دیتے ہیں ۔