اوپو ایف21 پرو برانڈ ایمبیسیڈرز ماہرہ خان اور فواد خان نے رونمائی کی

لاہور(بزنس رپورٹر)بین الاقوامی سمارٹ فون بنانے والی کمپنی اوپو نے جدید Fسیریز کیساتھ ایف 21 پرو اوپو متعارف کرادیاہے۔ ایف 21ملک کے پہلے Sony IMX709الٹرا سینسنگ سیلفی سینسر کیساتھ ایک شاندار ڈیزائن اور فلیگ شپ کیمرہ سسٹم پیش کررہا ہے، ساتھ ہی پہلی اور واحد مائیکرو لینس کی خصوصیات سے تصویر لینے کا بہترین تجربہ حاصل ہوگا۔ فون پائیدار فائبر گلاس لیدر سے لیس ہے جو دلکش سن سیٹ اورنج رنگ میں دستیاب ہے۔ اس کا غیر معمولی فلیٹ ایج ڈیزائن خاص طور پر تیار کیا گیا ہے ۔فروخت کا آغاز ہفتہ 16اپریل سے  اورقیمت  52,999 روپے ہوگی۔ایف 21 کی تعارفی تقریب گزشتہ روز ایک ہوٹل میں ہوئی، جس کی میزبانی اداکارہ اور ماڈل عائشہ عمر نے کی۔ اوپو کے برانڈ ایمبیسیڈرز ماہرہ خان اور فواد خان نے رونمائی کی اورابتدائی تجربہ کیساتھ لوگوں کو بتایا کہ کس طرح یہ فون ان کی شخصیت اور طرز زندگی کے عین مطابق ہے اور نوجوان اس فون سے کس طرح خوشگوار تجربہ حاصل کر سکتے ہیںاس موقع پر اوپو کے پاکستان میںنمائندے جارج لانگ نے بھی خطاب کیا۔