کراچی(سٹی نیوز (میرا سیٹھی نے ڈرامہ سیریل پرستان میں گھریلو ملازمہ کا کردارادا کرنے کی تیاری مکمل کرلی ہے وہ اس ڈرامے میں اپنی شاندار اداکاری سے اپنے کیریئر میں ایک نئی لہر پیدا کرنے کے لیے تیار ہیں۔ اس ڈرامے میں ان کے مد مقال ارسلان نصیر، ایمن سلیم، مریب علی، جویریہ علی، اسد صدیقی اور انڈسری کے اور بہت سے ستارے ہیں۔ رمضان کے ہٹ سیریل پرستان کی ہرقسط میں میرا سیٹھی کی کارکردگی نمایاں ہے۔ یہ ایک فیملی کامیڈی ڈرامہ ہے جس میں بہت سے دلچسپ کردار ہیں، جس میں زبیدہ ہر بار ہمیں اپنے حقیقی اور سادہ کرداروں کو نبھاتے ہوئے ہمیں ہنسنے پرمجبور کردیتی ہیں۔پاکستان میں ٹاپ بلاگرز اور جائزہ لینے والے میرا کے لہجے اور اس کی باڈی لینگویج  اور زبیدہ کے کردار میں ڈوبنے پر ان کی تعریف کرتے دیکھا ئی دیتے ہیں۔ ذہانت اور حس مزاح سے لے کر اپنی جملوں کی ادائیگی کی ٹائمنگ نے میرا سیٹھی کو گزشتہ سال کے چپکے چپکے میں آپا گل کے کردارسے پرستان میں زبیدہ کے کردار تک پہنچادیا ہے۔