قومی انڈر کرکٹ‘گرینز نے وائٹس کو 4وکٹوں سے ہر ا دیا

لاہور(سپورٹس رپورٹر)پاکستان انڈر 19 وائٹس اور پاکستان انڈر 19 گرینز کے مابین پریکٹس میچ کا اختتام ہوگیا۔پاکستان انڈر 19 گرینز نے پاکستان انڈر 19 وائٹس کو چار وکٹوں سے شکست دے دی۔ پاکستان انڈر 19 وائٹس کل پہلے روز  207 رنز بنا کر آؤٹ گئی تھی ۔انڈر 19 وائٹس کی جانب سے اذان اویس نے 47 رنز جبکہ شازیب خان نے 35 رنز کی اننگز کھیلی۔پاکستان انڈر 19 گرینز نے ہدف32 اوورز میں چھ وکٹوں پر پورا کر لیا۔پاکستان انڈر 19 گرینز کی جانب سے عبید شاہد نے 50 رنز کی اننگز کھیلی۔ عرفات منہاس نے 46، کپتان سعد بیگ نے 45 اور شامل حسین نے 31 رنز کی اننگز کھیلی۔پاکستان انڈر 19 وائٹس کی جانب سے کپتان علی اسفند نے چار وکٹیں حاصل کیں۔قومی جونیئر کرکٹر عبید شاہدنے کہا کہ وکٹ بیٹنگ کیلئے سازگار تھی۔شامل حسین اور سعد بیگ کی شروع میں اچھی پارٹنر شپ لگی، بعد میں میری اور عرفات منہاس کی اچھی پارٹنر شپ کی بدولت ہم میچ جیت سکے۔بنگلہ دیش سیریز کیلئے تیاری بہت اچھی چل رہی ہے،  تمام کوچز کھلاڑیوں کیساتھ کام کر رہے ہیں۔ علی اسفندنے کہا کہ وکٹ بائولنگ کیلئے زیادہ مدد گار نہیں تھی، اسکے باوجود ہمارے بائولرز نے اچھی لائن پر بائولنگ کرنے کی کوشش کی۔ میں نے چار وکٹیں حاصل کیں، کوشش یہی ہے بنگلہ دیش میں بھی اسی طرح پرفارم کروں۔پاکستان انڈر 19 کے کیمپ میں آج آرام کا دن ہے۔