لاہور (نوائے وقت رپورٹ) امیر المومنین حضرت علیؓ کے یوم شہادت پر سابق وزیراعلی پنجاب و نائب صدر مسلم لیگ ن حمزہ شہباز شریف نے بیان میں کہا کہ امیرالمومنین حضرت علی کرم اللہ وجہہ کی حیات مبارکہ اور شہادت دونوں مسلمانوں کے لئے مشعل راہ ہیں۔ پیغمبر خدا نے حضرت علیؓ کو خصوصی طور پر دین کی حفاظت و ترویج کے لئے تیار کیا۔ حمزہ امیرالمومنین حضرت علیؓ کی زندگی تعلیمات قرآنی اور سیرت رسول اکرم کا عملی نمونہ ہے جبکہ باب العلم حضرت علیؓ کی حیات مبارکہ صبر وشجاعت کیساتھ حکمت و تدبر اور معاملہ فہمی کا درس دیتی ہے۔ امیر المومنین کا دور حکومت حکمرانوں کے لئے مثال ہے کہ کس طرح ذات پر قوم کو ترجیح دیتے ہوئے انصاف کا قیام کسی مصلحت کے بغیر کرنا چاہئے۔