شہر قائدؒ میں آگ لگنے کے واقعات بڑھنے لگے، نیو کراچی انڈسٹریل ایریا میں واقع 2 فیکٹریاں آگ کی لپیٹ میں آ گئیں۔نجی ٹی وی جیو نیوز کے مطابق آتشزدگی کی اطلاع ملنے پر فائر بریگیڈ کی گاڑیاں جائے حادثہ پر پہنچ گئیں، 10 فائر ٹینڈرز آگ پر قابو پانے کی کوششوں میں مصروف ہیں۔ ریسکیو حکام کے مطابق آگ لگنے کی فوری وجوہات سامنے نہیں آ سکیں۔ واضح رہے کہ کراچی میں چند روز قبل نیوچالی کے قریب کثیر المنزلہ عمارت میں آگ لگی تھی جس کی زد میں آ کر ایک شخص جاں بحق جبکہ 3 جھلس کر زخمی ہو گئے تھے۔شہر میں آگ لگنے کے واقعات بڑھنے کے باوجود حکومت اس حوالے سے  پیشگی بچاؤ کے کوئی اقدامات کرتی نظر نہیں آتی۔