مری : لوئر ٹوپہ کے خالی مکان میں رکھاگیابم ناکارہ بنادیا گیا

مری (آن لائن) مری کے علاقے لوئرٹوپہ میں ایک مکان میں پانچ سے چھ کلو وزنی بم برآمد ہوا جسے بم ڈسپوزل سکواڈ نے ناکارہ بنادیا۔پولیس کے مطابق لوئر ٹوپہ کے قریب عباسی کالونی میں ایک خالی مکان میں بم کی موجودگی کی اطلاع پر پولیس اور ریسکیو کی ٹیمیں پہنچ گئیں،بم ایک بالٹی میں رکھا گیا تھا۔بم کو راولپنڈی سے پہنچنے والی بم ڈسپوزل سکواڈ کی ٹیم نے ناکارہ بنا دیا۔بم ڈسپوزل سکواڈ کے مطابق بم پانچ سے چھ کلو وزنی تھا۔