لاہور ( سپورٹس رپورٹر ) پنجاب رگبی ایسوسی ایشن کے زیراہتمام آزادی رگبی کپ 14 اگست کو لاہور میں ہوگا۔ ٹورنامنٹ ڈی ایچ اے رگبی سٹیڈیم میں کھیلاجائیگا۔ ایک روز ہ ایونٹ کو دو حصوں میں تقسیم کیا گیا۔ پہلے 12ٹیموںکے درمیان سیون سائیڈ رگبی ٹورنامنٹ کھیلاجائے گا اور شام میں سپر لیگ کی دو ٹاپ ٹیموںکے درمیان 15 سائیڈ رگبی میچ کھیلاجائے گا۔ آزادی کپ میں حصہ لینے والی 12ٹیموں میں ڈی ایچ اے رگبی کلب،لاہور ریمز، اے آئی ٹی رگبی کلب، ملتان، لودھراں، اسلام آباد جنز، پنجاب رگبی فٹ بال کلب، سرگودھا ، وحدت روڈ رگبی کلب اور شاہدرہ رگبی کلب شامل ہیںجبکہ 15 سائیڈ میچ لاہورریمز اوراسلام آباد جنز کے درمیان کھیلاجائے گا۔