لاہور (سپورٹس رپورٹر) 15 واں آل پاکستان عامر حیات روکڑی بیڈ منٹن ٹورنامنٹ 9 سے 15 ستمبر تک لاہور میںہوگا۔ یہ اعلان پنجاب بیڈ منٹن ایسوسی ایشن کے صدر عادل عبداﷲ روکڑی نے گذشتہ روز کیا۔ انہوں نے بتایا کہ ٹورنامنٹ میں ملک بھر سے 200 سے زائد کھلاڑیوں کے ساتھ پاکستان بیڈ منٹن فیڈریشن سے الحاق رکھنے والے تمام یونٹس کی ٹیمیں جن میں پنجاب، سندھ، بلوچستان، ریلویز، واپڈا، کے پی ٹی، پی ایم اے ڈی، نیشنل بنک، اسلام آباد، ایچ ای سی اور آرمی شامل ہیں حصہ لینگی۔ مردوں میں واجد علی جبکہ خواتین میں پلواشہ بشیر سنگلز میں اعزاز کا دفاع کرینگی۔ ٹیم ایونٹ میں پنجاب ٹائٹل کادفاع کرے گا۔