لاہور(سپورٹس رپورٹر) آل پاکستان نیشنل بنک کپ ہاکی ٹورنامنٹ کے چوتھے روز مزید تین میچوں کا فیصلہ ہو گیا۔ نیشنل ہاکی سٹیڈیم پچ نمبر دو پر جاری ٹورنامنٹ میں گذشتہ روز نیشنل بنک نے 7-2 سے کامیابی حاصل کی۔ فاتح ٹیم کی جانب سے ایوب نے چار، عتیق، علی اور فیضان نے ایک ایک گول کیا۔ ایچ ای سی کی جانب سے دونوں گول محسن نواز نے کیے۔ پی آئی اے  پی اے ایف  کے ساتھ سخت مقابلے کے بعد  کامیابی حاصل کی۔  واحد گول احسان اﷲ نے کیا۔  آرمی نے واپڈا کو دو ایک سے شکست دی۔ آرمی کی جانب سے حبیب الرحمان اور عبدالجبار نے جبکہ واپڈا کی جانب سے محمد جعفر نے گول کئے۔  آج مزید تین میچ کھیلے جائیں گے جس میں پی آئی اے اور ایچ ای سی ، پی اے ایف اور ریلویز جبکہ تیسرا میچ نیشنل بنک اور آرمی کی ٹیموں کے درمیان کھیلا جائیگا۔