روجرز کپ : رافیل نڈال کو اپ سیٹ شکست

مونٹریال (سپورٹس ڈیسک )سپین کے رافیل نڈال کو روجرز کپ ٹینس ٹورنا منٹ میں اپ سیٹ شکست ہو گئی ۔ وائلڈ کارڈ انٹری کے ذریعے کھیلنے والے کینیڈا کے 18سالہ ڈینس شپاو ویلوف نے نڈال کو تین چھ ‘چھ چار اور سات چھ سے شکست دی ۔ نڈال کی شکست کے ساتھ ہی برطانیہ کے اینڈی مرے کی ایک ہفتے کیلئے پہلی پوزیشن بچ گئی ہے ۔ سابق عالمی نمبر ون وکٹوریہ آزا رینکا فیملی معاملات کی وجہ سے آئندہ ہفتے ہونیوالے سنسناٹی اوپن ٹینس ٹورنا منٹ سے دستبردار ہو گئی ہیں۔وہ گزشتہ دال دسمبر میں بیٹے کو جنم دینے کے بعد رواں سال جون میں کھیل کے میدان میں اتری تھیں ۔