اُردن میں دہشت گردوں کا چوکی پر حملہ پولیس اہلکار ہلاک، مصر نے مذمت کردی

قاہرہ (سنہوا) اردن کے دارالحکومت عمان میں ایک مارکیٹ میں دہشت گرد حملے میں ایک پولیس اہلکار ہلاک اور متعدد زخمی ہوگئے۔ دہشت گردوں نے چوکی کو نشانہ بنایا اور فرار ہوگئے۔ ادھر مصری وزارت خارجہ کے ترجمان نے میڈیا سے گفتگو کرتے ہوئے کہا ہمسائے ملک میں دہشت گردوں کی کارروائی کی جتنی بھی مذمت کی جائے کم ہے۔ ایسے حملوں کاکوئی جواز نہیں ہے۔