لاہور(سپورٹس رپورٹر)میر پو ررائلز نے سپر اوور میں کوٹلی لائنز کو شکست دے کر پلے آف مرحلہ سے باہر کردیا ۔ میر پور رائلز نے 211رنز بنائے ۔ مختار احمد 61رنز بنا کر نمایاں رہے ۔ کوٹلی لائنز بھی 211رنز بناسکی ۔ احسان علی 99رنز بناکر نمایاں رہے ۔ سپر اوور میں کوٹلی لائنز کے بیٹسمین صرف دو رنز بنا سکے ۔ کپتان شعیب ملک نے پہلی ہی گیند پر چوکا لگا کر میرپور کو اہم کامیابی دلوادی جبکہ شکست کے بعد کوٹلی لائنز کی ٹیم پلے آف کی دوڑ سے باہر ہوگئی ہے۔راولاکوٹ ہاکس نے کشمیر پریمیئر لیگ کے میچ میں باغ سٹالینز کیخلاف پانچ وکٹوں سے فتح حاصل کی۔ 157 رنز کے ہدف کے تعاقب میں ہاکس نے ہدف پانچ وکٹوں پر 10 گیندیں پہلے حاصل کرلیا۔ احمد شہزاد 27 رنز ‘ بسم اللہ خان 19 گیندوں پر 33 رنز ‘ صاحبزادہ فرحان28 رنز بناکر آئوٹ ہوئے۔کاشف نے 40 گیندوں پر 54 رنز بنا ئے۔ ہاکس نے ہدف 10 گیندوں پر پانچ وکٹوں  پر حاصل کرلیا۔ باغ سٹالینز کے کپتان شان مسعود نے ٹاس جیت کر پہلے بیٹنگ کا فیصلہ کیا۔ آل راؤنڈر عامر یامین نے 34 گیندوں پر 69 رنز کی شاندار اننگز کھیلی۔ سٹالینز نو وکٹوں پر 156 رنز ہی بنا سکی۔ زمان خان نے 3 وکٹیں حاصل کیں۔