سٹورٹ براڈ زخمی ‘بھارت کے خلاف دوسرے ٹیسٹ سے آئوٹ

لاہور(سپورٹس ڈیسک)بھارت کے خلاف دوسرے ٹیسٹ میچ سے قبل انگلینڈ کے فاسٹ باؤلر سٹورٹ براڈ انجری کا شکار ہوگئے ہیں۔ پریکٹس کے دوران سٹورٹ براڈ کی دائیں پنڈلی میں تکلیف ہوئی جس کے باعث ان کا سکین کیاگیا ۔ فیصلہ کیا گیا کہ وہ دوسرے ٹیسٹ میچ میں شرکت نہیں کرینگے ۔ ان کی جگہ ثاقب محمود کو سکواڈ میں طلب کرلیا گیا ہے ۔ وہ مارک ووڈ اور کریگ اوورٹن کے ساتھ فاسٹ بائولنگ اٹیک میں شامل ہونگے ۔ فاسٹ بائولر جیمز اینڈرسن کی شمولیت بھی مشکوک ہے ۔ پریکٹس سیشن کے دوران ان کے مسل میں کھچائو محسوس ہوا جس کے بعد وہ پریکٹس جاری نہ رکھ سکے ۔ ان کیا ابھی فیصلہ کیا جائیگا۔