اپوزیشن کچھ کرلے عمران خان 5 سال پورے کرینگے: شیخ رشید

اسلام آباد ( نمائندہ خصوصی) وفاقی وزیر داخلہ شیخ رشید نے کہا ہے کہ اپوزیشن جو مرضی کر لے،عمران خان 5 سال پورے کریں گے، نواشریف کا پاسپورٹ 16 فروری کو کینسل ہو چکا، پی ڈی ایم اجلاس کرتی رہے، انہیں عدم اعتماد کی سمجھ نہیں آرہی۔اسلام آباد میں وزیرداخلہ شیخ رشید نے میڈیا سے گفتگو کرتے ہوئے کہا کہ پاکستان کسی جنگ کاحصہ نہیں بنیگا، اپنی سرزمین کسی کیخلاف استعمال نہیں ہونیدیں گے،دہشتگردی کیخلاف جنگ میں ہم نے 70 ہزارجانوں کی قربانیاں دی ہیں۔ پاکستان کے اندر دہشتگردی کے واقعات کا خطرہ ہے۔انہوں نے کہا کہ 16 فروری سے نوازشریف کا پاسپورٹ کینسل ہو چکا، شہباز شریف نے ای سی ایل سے نام نکالنے کیلئے درخواست نہیں دی، اس کی مدت بھی ختم ہو گئی۔ اپوزیشن جو مرضی کر لے، عمران خان 5 سال پورے کرے گا۔ بلاول بھٹو شروع سے ہی عدم اعتماد کا شکار ہے۔