کرونا وبا سے محفوظ رہنے کیلئے ویکسین لگانا ضروری ہے، سید سہیل عابدی 

کراچی ( وقائع نگار)پاکستان پیپلزپارٹی ڈسٹرکٹ سینٹرل میں سید سہیل عابدی کی زیر صدارت آرگنایزر کمیٹی سید مشرف علی ،سید نوید حسین ، آفاق الیاس ،عرفان صدیقی ،سید دانش ،عبدالوسیم۔ آصف لطیف ، سلیم بھائی اور دیگر ممبران کی طرف سے کروناویکسین کیمپ بلاک 17 سندھ گورنمنٹ ہسپتال میں لگایا ویکسینیشن کیمپ کا پاکستان پیپلز پارٹی کی ایم این اے اور ویمن ونگ کراچی کی صدر شاہدہ رحمانی، نائب صدر کراچی امان مسعود بھائی،پیپلز یونٹی کے صدر اشرف اعوان اور کمیٹی ایس ایم نقی،سیدہ تحسین عابدی نے دورہ کیا۔ سید سہیل عابدی نے کہا کہ پیپلز پارٹی عوامی فلاح کیلئے کام کرتی ہے، ضلع وسطی میں ویکسی نیشن کیمپ میں عوام ایس او پیز کے ساتھ ویکسین لگوائیں، کرونا وبا سے محفوظ رہنے کیلئے ویکسین لگانا ضروری ہے، سو فیصد آبادی ویکسین لگوائے، لاک ڈائون کے خاتمہ سے کاروباری برادری اور محنت کش عوام کو ریلیف ملے گا۔ پیپلز پارٹی غریبوں اور محنت کش عوام کی پارٹی ہے۔ گلبرگ میں قائم ویکسی نیشن کیمپ میں عوام کی بڑی تعداد نے قطار بنا کر ویکسین لگوائی۔ پیپلز پارٹی کے رہنما?ں کا کہنا تھا کہ پیپلز پارٹی عوام کے ساتھ ہے، کسی بھی وبا یا برے وقت میں عوام کو تنہا نہیں چھوڑے گی۔