راولپنڈی(جنرل رپورٹر) پنجاب آرٹس کونسل میں میں تحریک پاکستان پر مبنی تصویری نمائش اُمید کا سفر کا انقعاد کیا گیا،مہمان خصوصی ممبر قومی واسمبلی وپارلیمانی سیکریٹری برائے دفاقی تعلیم وجیہہ اکرم تھیں،نمائش میں 1857سے 1947تک تحریک پاکستان کے لیے کی جانے والی جدو جہد پر مبنی تصاویر نمائش کے لیے رکھی گئیں ہیں،1947میں آزادی کے بعد مہاجرین کی پاکستان آمد اور راستے میں ہونے والے مظالم کو بھی نمائش میں عیاں کیا گیا ہے،ممبر قومی اسمبلی وجیہہ اکرم کاکہنا تھا کہ پاکستان مسلمانان بر صغیر کے خوابوں کی تعبیر ہے،تصویری نمائش دیکھ کر گماں ہوتا ہے کہ پاکستان کتنی قربانیوں اور مشکلات کے بعد بنا،قائداعظم محمد علی جناح نے  شب و روز ایک کرکے ایک خواب کو حقیقیت کا روپ دیا،ہماری نوجوان نسل بہت محنتی اور لائق ہے،نوجوان نسل کو نظریاتی بنیادوں پر پاکستان کی حفاظت کرنی ہے۔