ویسٹ انڈیز کے خلاف دو ٹیسٹ میچز کی سیریز آج سے کنگسٹن میں شروع

 ویسٹ انڈیز کے خلاف دو ٹیسٹ میچز کی سیریز آج سے کنگسٹن میں شروع ہو گی، انیس رکنی قومی اسکواڈ کا اعلان کر دیا گیا، کپتان بابر اعظم نے جیت کاعزم ظاہر کر دیا۔کیربین کے دیس طویل دورانیے کی کرکٹ کا امتحان، 2 ٹیسٹ میچز کی سیریز میں پاکستان اور ویسٹ انڈیز کی ٹیمیں کنگسٹن کے میدان میں پاکستانی وقت کے مطابق رات 8 بجے مدمقابل ہوں گی۔ قومی شاہینوں کی تیاریاں مکمل، پلان بھی فائنل ہو گئے۔ ٹیسٹ پلیئر کا فوٹو سیشن بھی توجہ کا مرکز، کھلاڑی پرجوش نظر آئے۔ میزبان وِنڈیز کے خلاف ٹیسٹ سیریز کیلئے انیس رکنی قومی اسکواڈ کا اعلان کر دیا گیا۔محمد نواز اور حارث رؤف کو وطن واپس بھیجنے کا فیصلہ، کپتان بابر اعظم اچھی کارکردگی کے لیے پرعزم ہیں، ورچوئل کانفرنس میں کہا کہ ٹیسٹ ٹیم کا زبردست کمبی نیشن ہے، جیت کی بڑی امید دلائی۔ ٹیسٹ کرکٹ کے امتحان میں بھی پاکستان کا پلہ بھاری ہے، 52 میچز میں 20 بار قومی شاہین فاتح رہے، سترہ میچ ٹیم ویسٹ انڈیز نے جیتے، پندرہ مقابلے بے نتیجہ ہوئے.