تیونس ،کشتی ڈوبنے سے8 تارکین وطن ہلاک

تیونس(اے پی پی)شمالی افریقی ملک تیونس کےجز ائر قرقنہ کے قریب کشتی ڈوبنے سے 8 تارکین وطن ہلاک ہو گئے ہیں۔ چینی خبر رساں ادارے نے مقامی حکام کے حوالےسے بتایا کہ گزشتہ روز 30 تارکین وطن کو لے جانے والی کشتی جزائر قرقنہ کے قریب الٹ گئی جس سے 8 تارکین وطن ہلاک ہو گئے ۔ حکام نے بتایا کہ کوسٹ گارڈز نے ریسکیو آپریشن کرتے ہوے20 افراد کو زندہ بچالیا جبکہ ڈوبنے والے تارکین وطن کی نعشوں کو بھی نکال لیا گیا ہے ۔
تیونس کشتی حادثہ