بابر اعظم تینوں فارمیٹس میںنمبر ون بن سکتے ہیں‘مہیلا جے وردھنے

لاہور(سپورٹس رپورٹر)سری لنکن کرکٹ لیجنڈ مہیلا جے وردنے نے پیشگوئی کی ہے کہ بابر اعظم تینوں فارمیٹس کے نمبر ون بیٹر بن سکتے ہیں۔جے وردنے نے کہا کہ پاکستانی کپتان ٹیسٹ رینکنگ میں جو روٹ کو پیچھے چھوڑ سکتے ہیں۔ بابر اعظم تسلسل کےساتھ کھیل رہے ہیں، ان کے پاس ٹاپ پر رہنے کا موقع ہے۔ ٹی ٹونٹی، ون ڈے میں مقابلہ سخت ہے مگر بابر ان میں بھی ٹاپ پر ہے۔ پاکستان ٹیم میں بابر اعظم کا کافی اہم کردار ہے، بطور کپتان بھی وہ خود پر ذمہ داری لیتے ہیں۔ اگر بابر اعظم یوں ہی پرفارم کرتے رہے تو مزید بہتر ہوجائیں گے۔انہوں نے مزید کہا کہ کوئی بھی فارمیٹ ہو بابر اعظم پریشان نہیں ہوتا، اس کی تکنیک بہترین ہے۔