لاہور(کلچرل رپورٹر) فلم دی لیجنڈ آف مولا جٹ کا پہلا باضابطہ ٹیزر پوسٹر ریلیز کی تاریخ کےساتھ جاری کردیا گیا ہے۔ ماہرہ خان، فواد خان، حمزہ عباسی، گوہر رشید اور حمائمہ ملک جیسے بڑے ستاروں سے سجی دی لیجنڈ آف مولا جٹ مکمل ہونے کے باوجود کئی برسوں سے مختلف تنازعات کے باعث ریلیز نہیں ہوپارہی تھی۔ 2019میں اس فلم کا پہلا نظر آنے والا ٹیزر دنیا بھر میں زبردست ردعمل حاصل کرنے میں کامیاب رہا تھا۔ اب رواں سال13 اکتوبرکو ملک بھر کے سینما گھروں میں فواد خان مولا جٹ اور حمزہ علی عباسی نوری نت کے شہرہ آفاق کرداروں میں جلوہ گر ہوں گے۔