لاہور(سپورٹس ڈیسک ) ڈچ یوٹیوبر نے ایک منٹ میں ہیلی کاپٹر سے سب سے زیادہ پل اپس کرنے کا گنیز ورلڈ ریکارڈ توڑ دیا۔ گنیز ورلڈ ریکارڈ کے آفیشل انسٹاگرام اکاونٹ پر ہوونین ایئر فیلڈ بیلجیئم سے ویڈیو شیئر کی گئی ہے۔ ویڈیو میں سٹان بروننک نامی ڈچ یوٹیوبر کو ہیلی کاپٹر سے لٹکے پل اپس کرتے ہوئے دیکھا جاسکتا ہے۔گنیز ورلڈ ریکارڈز کے مطابق سٹان بروننک نے ایک منٹ میں ہیلی کاپٹر سے 25 پل اپس کرکے نیا ریکارڈ بنا دیا۔ اس سے پہلے ہیلی کاپٹر سے 23 پل اپس کرنے کا ریکارڈ آرمینیا کے رومن سحرادیان کے پاس تھا، جوکہ اکتوبر 2021 میں بنایا گیا تھا۔