نظام المدارس کے پوزیشن ہولڈر زکو انعامات دینے کی تقریب 27اگست کو ہو گی

لاہور (خصوصی نامہ نگار)نظام المدارس پاکستان کے سالانہ امتحانات کے پوزیشن ہولڈر طلباء کو انعامات دینے کی تقریب 27اگست کو ہو گی۔ منہاج القرآن انٹرنیشنل کے صدر ڈاکٹر حسین محی الدین قادری تقریب کے مہمان خصوصی ہونگے۔ نظام المدارس پاکستان کے ناظم اعلیٰ علامہ میر آصف اکبر نے کہا کہ الحمداللہ نظام المدارس کے زیر اہتمام پہلے سالانہ امتحانات کا انعقاد انتہائی کامیابی کے ساتھ ہوا۔ امتحانات میں ہزاروں طلباء نے شرکت کی۔ پہلے امتحانات میں پوزیشن حاصل کرنے والے طلباء کی حوصلہ افزائی کے لیے انہیں 27اگست کو منعقد ہونے والی تقریب میں انعامات دئیے جائینگے۔