کراچی (کامرس رپورٹر )نیشنل فورم فار انوائرنمنٹ اینڈ ہیلتھ (این ایف ای ایچ) کے تحت کوفضلے کے انتظام پرقومی کانفرنس اور 19ویں سالانہ انوائرنمنٹ ایکسی لینس ایوارڈز2022کی تقریب 16اگست  کو مقامی ہوٹل کراچی میں منعقد ہوگی۔ کانفرنس کے حوالے سے فورم کے صدر محمد نعیم قریشی نے بتایا کہ اس کانفرنس میںکچرے کے مسائل،صنعتوں اور ہسپتالوں کے زہریلے فضلے کے حوالے سے ماہرین اپنے خیالات کا اظہار کریں گے۔ انہوں نے بتایا کہ سندھ سالڈ ویسٹ مینجنمنٹ کے ایم ڈی زبیر احمد چنا، شہزادہ ارشاد محمد، عمر ندیم عارف، سی ای او ٹرانس کراچی واصف عجلال، این ای ڈی یونیورسٹی کے ڈین پروفیسر ڈاکڑ نعمان احمد، نوید اضغر، پیٹرن آباد محسن شیخانی، حناء جمشید، ہما ہالیپوتو و دیگر بھی خطاب کریں گے۔نعیم قریشی نے مزید کہا کہ اس موقع پر70 سے زائداداروں کو بہترین ماحولیاتی کارکردگی پر ایوارڈ بھی دیئے جائیں گے۔