کامن ویلتھ گیمز میں مذاق کا نشانہ ‘اسلامک گیمز میںمحمد افضل کی شاندار کارکردگی

لاہور(اسپورٹس رپورٹر)کامن ویلتھ گیمز 2022ء میں مذاق کا نشانہ بننے والے جمناسٹ محمد افضل کی اسلامک گیمز میں شاندار کارکردگی رہی۔جمناسٹ محمد افضل نے قونیہ میں اسلامی یکجہتی مقابلوں میں والٹنگ ٹیبل کے فائنل میں جگہ بنائی، محمد افضل نے ٹاپ ایٹ (8) میں رہتے ہوئے فائنل میں جگہ حاصل کی۔واضح رہے کہ چالیس سالہ جمناسٹ محمد افضل کو کامن ویلتھ گیمز میں شدید تنقید کا نشانہ بنایا گیا تھا۔کامن ویلتھ گیمز کے دوران 29 جولائی کو منتظمین نے پاکستانی جمناسٹ محمد افضل کو غلط بس میں بٹھا دیا تھا جس کی وجہ سے وہ باسکٹ مقابلے کے وینیو پر پہنچ گئے۔اس بات پر پاکستانی جمناسٹ کے آفیشل نے منتظمین سے احتجاج بھی کیا مگر ان کی بات رد کردی گئی تھی۔ پاکستان کے محمد سہیل بھی فائنل کیلئے ریزرو پلیئرز میں شامل ہیں۔