کوئٹہ (بیورورپورٹ) آل پاکستان بلوچستان یوم آزادی جوڈو چیمپین شپ کل ہفتہ سے ایوب سٹیڈیم کوئٹہ میں شروع ہوگی۔ بلوچستان جوڈو ایسوسی ایشن کے سیکرٹری نور احمد رند نے بتایا کہ چیمپین شپ کی تیاریاں مکمل کر لی گئیں۔ ایونٹ میں جونیئر اور سینئر کیٹگریز کے مقابلے ہونگے جس میں تمام رجسٹرڈ کلبوں کے کھلاڑی حصہ لیں گے۔ انہوں نے کہا کہ چیمپین شپ کی اختتامی تقریب چودہ اگست کو ہوگی جس میں کامیابی حاصل کرنے والے کھلاڑیوں میں انعامات تقسیم کئے جائیں گے۔